შეფასების რუბრიკა

კრიტერიუმი	1–3 ქულა	4–5 ქულა	6–7 ქულა	8–10 ქულა
კრიტიკული აზროვნება	თავს არიდებს თავისი შეხედულებების გამოხატვას.	თავის შეხედულებებს გამოხატავს მარტივად. უჭირს სრულყოფილად ჩამოყალიბება.	მკაფიოდ გამოხატავს შეხედულებებს. აფიქსირებს საკუთარ აზრს, ოღონდ არის მერყევი.	არის ორიგინალური, მსჯელობს, გამოთქვამს საკუთარ შეხედულებებს, ასაბუთებს არგუმენტებით.
ჩართულობა	არ ერთვება გაკვეთილის მსვლელობაში, არის ძალიან პასიური.	ნაკლებად ერთვება გაკვეთილის მსვლელობაში.  პასუხობს ზოგიერთ კითხვას.	ერთვება, ამჟღავნებს ცოდნას, აქტიურობს, თუმცა ბოლომდე სრულყოფილად ვერ გადმოსცემს სათქმელს.	აქტიურად ერთვება საგაკვეთილო პროცესში. ამჟღავნებს ცოდნას. ადვილად ითვისებს ახალ მასალას და ითავისებს.
ჯგუფური მუშაობა	არ ერთვება ჯგუფურ მუშაობაში.	ერთვება, თუმცა თავისი შეხედულებების დაცვა არ შეუძლია.	ერთვება, აქტიურობს, ნაწილობრივ იზიარებენ მის შეხედულებებს.	ჯგუფში არის ლიდერი, აქტიური. მკაფიოდ გამოხატავს აზრს და იცავს თავის შეხედულებებს. არის კარგი პრეზენტატორი.

სასწავლო პეროექტი

თემა

ჩემი გმირი წინაპრები

სამიზნე ჯგუფი

დაწყებითი საფეხური , მე 4 კლ

დრო

5 დღე

მნიშვნელობა და აქტუალობა

1 . საქართველოს ისტორიის უკეთ გაცნობა

2 . შეფასების და კრიტიკის უნარის ჩამოყალიბება

3 . თვითდაჯერების და დამოუკიდებლობის უნარის გამტკიცება

მიზნები და შედეგები

1 . აზრის დალაგება და ლოგიკური თანმიმდევრობით თხრობა

2 . გმირი წინაპრების გაცნობა და ინფორმაცის მოძიება

3 . კომპიუტერის გამოყენება მუშაობის პროცეში

შეფასება

1 . ინფორმაცის მოძიება

2 . ორგანიზებულობა

3 . პრეზენტაცია

4 . ისტის გამოყენება

წინარე ცოდნა

როგორ ესმით ;გმირი წინაპრები ამ სიტყვების მნიშვნელობა

რომელი გმირი წინაპრები იციანი .

რა დაგვიტოვეს გმირმა წინაპრებმა .

მასალები და ტექნიკური რესურსები

კომპიუტერი , პროექტორი , პრინტერი ,

ქართული ენის სახემძღვანელო მე 4 კლ .

კლასგარეშე საკითხავი წიგნი მე 4 კლ .

ი . გოგებაშვილის საგანძური

გაკვეთილის გეგმა

გაკვეთილის თემა	აკაკი წერეთლის “განთიადი“-ტექსტის გაცნობა
პედაგოგის სახელი და გვარი	ქართული- იზოლდა ჩიტაძე გეოგრაფია-შორენა უსენაშვილი ისტ- ლარისა ქავთარაძე
სწავლების საფეხური/ დისციპლინა ან ინტეგრირებული საგნების დასახელება	IX კლასი,საბაზო საფეხური ქართული ლიტერატურა, საქართველოს გეოგრაფია, ინფორმაციული და საკომუნიკაციო ტექნოლოგიები
მოსწავლეთა პროფილი	ჩვეულებრივი კლასი - 38
სწავლის საშუალო დონე
აქტივობის მიზნები და მისაღწევი შედეგები	მხატვრული ნაწარმოების აღქმისა და ანალიზის უნარის განვითარება; მხატვრული ხერხებისა და საშუალებების ამოცნობა,მათი ფუნქციის გარკვევა შემდგომში მათი წერითსა და ზეპირ მეტყველებაში გამოყენების მიზნით; სამშობლოსათვის თავდადებულ მამულიშვილთა ხსოვნისადმი პატივისცემის გრძნობის აღზრდა; ინფორმაციულ- საკომუნიკაციო ტექნოლოგიების გამოყენების უნარის განვითარება; გეოგრაფიული გარემოს შესწავლისადმი ინტერესის აღძვრა; აუდიტორიის წინაშე გამოსვლის უნარის განვითარება. მ ი ს ა ღ წ ე ვ ი შ ე დ ე გ ე ბ ი: მოსწავლეებში დამოუკიდებელი აზროვნების უნარ-ჩვევების განვითარება; აზრის ზეპირად და წერილობით გადმოცემის ჩვევის გამომუშავება, მხატვრული გემოვნების დახვეწა; ისტ-ის საშუალებებით ინფორმაციის სხვადასხვა წყაროდან მიღებისა და გამოყენების უნარის გამომუშავება; ტოპონიმების შესწავლისადმი ინტერესის აღძვრა; ისტორიული წარსულისადმი ინტერესისა პატივისცემის გაღვივება.
ეროვნული სასწავლო გეგმით განსაზღვრული მისაღწევი შედეგი/ინდიკატორები	ქართ.IX.1. მოსწავლე ისმენს და წარმოადგენს აუდიტორიის წინაშე სხვადასხვა თვალსაზრისს პრობლემურ საკითხზე. შედეგი თვალსაჩინოა, თუ მოსწავლე: საუბრობს იმის შესახებ,თუ რაზე დააფიქრა ნაწარმოებმა; მსჯელობს პრობლემაზე,რომელიც დაინახა ნაწარმოებში; განმარტავს, რატომ ისიამოვნა / ვერ ისიამოვნა ნაწარმოების კითხვით. ქართ.IX.3 . მოსწავლე მსჯელობს ტექსტების ენობრივ თავისებურებებზე; შედეგი თვალსაჩინოა, თუ მოსწავლე: აღწერს ტექსტის კომპოზიციას. აღნიშნავს:რას წარმოადგენს ტექსტი, რა მხატვრულ-გამომსახველობითი ხერხები გამოიყენება ტექსტში და რა მიზნით. ქართ.IX.4. მოსწავლე ამოიცნობს და იყენებს დისკუსიისა და კამათის ძირითად ენობრივ მახასიათებლებს; შედეგი თვალსაჩინოა ,თუ მოსწავლე: განსაზღვრავს ავტორის პოზიციას, რაც განაპირობებს ნაწარმოებში წარმოდგენილი ამბის/პრობლემის ინტერპრეტაციას; აფასებს ლირიკულ ნაწარმოებს სუბიექტურ აღქმასა და/ან მხატვრული ფასეულობების გააზრებაზე დაყრდნობით; აკავშირებს მხატვრულ ნაწარმოებს ისტორიულ კონტექსტთან და თანამედროვეობასთან (მსჯელობს იმის შესახებ, თუ როგორ აისახა ისტორიული ვითარება, ეპოქის კულტურული და ლიტერატურული ტრადიციები ამა თუ იმ ნაწარმოებში); ქართ .IX.9. მოსწავლე წერილობით გადმოსცემს საკუთარ თვალსაზრისს სადავო ან პრობლემურ საკითხებზე. შედეგი თვალსაჩინოა,თუ მოსწავლეს საკუთარი მოსაზრებების დასასაბუთებლად მოჰყავს სათანადო არგუმენტები, მისთვის სასურველი ფორმით გადმოსცემს შესწავლილ ტექსტში ასახულ პრობლემებს. საქართველოს გეოგრაფიის მიზანი: გეოგრ.IX.1. მოსწავლე რუკებისა და სხვა გეოგრაფიული საშუალებების (ფოტოები,გრაფიკები,ცხრილები და სხვა) დახმარებით ახასიათებს ადგილს,მოვლენასა და პროცესებს; შედეგი მიღწეულია,თუ მოსწავლე: ფოტოების მიხედვით ააანალიზებს საქართველოს პეიზაჟებს, საკოორდინაციო ბადის გამოყენებით განსაზღვრავს საქართველოს მნიშვნელოვანი გეოგრაფიული ობიექტების,რეგიონებისა და ადმინისტრა- ციული ცენტრების მდებარეობას. ისტ. მიზანი: მოსწავლეებს განუვითაროს ზოგადი საკომუნიკაციო უნარ-ჩვევები ინფორმაციის შექმნის,საორგანიზაციო და ჯგუფური მუშაობის მხრივ; შეძლონ ინფორმაციის დამოუკიდებლად მოპოვება, მართვა, დამუშავება, შეფასება. შედეგი თვალსაჩინოა: თუ მოსწავლე ეფექტურად იყენებს ელექტრონულ რესურსებს საგანმანათლებლო დანიშნულების მასალის კვლევისას ასევე ინფორმაციის შენახვის,მონაცემთა დამუშავებისა და ანალიზისათვის,შემდგომში შედეგის სხვებისათვის მიწოდების მიზნით.
თანმიმდევრობა	გაკვეთილს ვიწყებ გონებრივი იერიშის მეთოდით: აქტივობა 1 . კლასს მივმართავ კითხვით: გააიხსენონ, რა იციან მთაწმინდის შესახებ? მოსწავლეები იხსენებენ შესწავლილ საპროგრამო/არასაპროგრამო ნაწარმოებებს. მსჯელობენ, როგორ აისახა მთაწმინდა ქართულ პოეზიაში / გ.ტაბიძის„მთაწმინდის მთვარე“, ნ.ბარათაშვილის „ შემოღამება მთაწმინდაზე“. მოსწავლეთა ერთ ჯგუფს დავალებული აქვს ინტერნეტში მასალის მოძიება მთაწმინდის შესახებ. პრეზენტატორი გააცნობს კლასს მასალებს, წარმოუდგენს სლაიდ-შოუს (5 წთ) . "გეოგრაფები" პედაგოგის დახმარებით განსაზღვრავენ და აჩვენებენ რუკაზე მთაწმინდის მდებარეობას და მნიშვნელობას თბილისისათვის. აქტივობა 2. ვეკითხები - ვინ არიან დაკრძალული მთაწმინდაზე? მოსწავლეთა ერთი ჯგუფი ინტერნეტის მეშვეობით წარმოადგენს მთაწმინდაზე დაკრძალულ ქართველ საზოგადო მოღვაწეთა მოკლე ანოტაციას (5 წთ.)ათვალიერებენ მათს საფლავებს.„მივდივართ“ აკაკის საფლავთან. აქტივობა 3. "ლიტერატორთა" ჯგუფი აკეთებს პრეზენტირებას აკაკის ცხოვრებისა და შემოქმედების შესახებ. კლასი იხსენებს იმ ნაწარმოებებს,რომლებიც შესწავლილი აქვთ წინა კლასებში. აქტივობა 4. მასწავლებელი აწვდის კლასს მოკლე ინფორმაციას მე-19 საუკუნის საქართველოს სოციალ-პოლიტიკური ვითარებისა და 60-იანელთა უდიდესი ღვაწლის შესახებ ეროვნულ-განმათავისუფლებელ მოძრაობაში. აქტივობა 5 . ვუბრუნდებით მთაწმინდის პანთეონს და ვაჩვენებთ დიმიტრი ყიფიანის საფლავს. ვუხსნი,რომ ამ საფლავს აკაკიმ უწოდა „საშვილიშვილო სამარე“ დიმიტრი ყიფიანისადმი მიძღვნილ ლექსში „განთიადი“. აქტივობა 6. . მოსწავლეთა ჯგუფი გვაცნობს მასალებს დიმიტრი ყიფიანის ცხოვრებისა და მოღვაწეობის შესახებ( 5 წთ) ვესაუბრები ლექსის დაწერის მიზეზებზე, მხატვრულად ვუკითხავ ლექსს. აქტივობა 7.. მოსწავლეებს ეძლევათ დავალება, წყვილებში კიდევ ერთხელ წაიკითხონ ლექსი და მოინიშნონ სტროფები ან ტაეპები, რომლებმაც მათზე განსაკუთრებული ზემოქმედება მოახდინა, მოკლედ ჩაიწერონ პირველი შთაბეჭდილებები. აქტივობა 8. ინდივიდუალურად საუბრობენ ლექსით მიღებულ შთაბეჭდილებებზე. აქტივობა 9. დავუსვამ შეკითხვას – რა განაპირობებს ლექსის მუსიკალობას? რა ხერხებითა და მხატვრული ფორმებით შეძლო ავტორმა მკითხველზე ზემოქმედების მოხდენა? მოსწავლეები ასახელებენ მხატვრულ ხერხებს: ეპითეტები, მეტაფორები, მიმართვები, გაპიროვნება, რითმები. აქტივობა 10. მოსწავლეები ისმენენ ამ ლექსის ტექსტზე შექმნილ რ. ლაღიძის სიმღერას კომპიუტერის საშუალებით,ვაჩვენებთ კადრებს დოკუმენტური ფილმიდან- აკაკი წერეთლის მოგზაურობა რაჭა -ლეჩხუმში.აქვე ისმენენ აკაკის ხმის ჩანაწერს. აქტივობა 11. საშინაო წერითი დავალება – დაწერონ მცირე ესე – მათაწმინდა- მამულიშვილთა სავანე.
შეფასება	მოსწავლეთა ცოდნის შეფასება ხდება შემდეგი რუბრიკით: განვლილი მასალის ცოდნა-1-3 ქულა; გააზრებული კითხვის უნარი - 1-3 ქულა; პრეზენტაცია -1- 4 ქულა
საკლასო მენეჯმენტი _ საგანმანათლებლო რესურსები	გაკვეთილი ტარდება კომპიუტერულ ლაბორატორიაში. საჭიროა 20 კომპიუტერი,ვიდეო აპარატურა,პროექტორი, მე-9 კლასის სახელმძღვანელოები,რვეულები,ფანქრები, კალმები...ინტერნეტი w ww.google.ge

მინიშნებები/ტეგები: